Vllaznia u zgjua sot me lajmin e dhimbshëm të humbjes nga jeta të një prej figurave të shquara të klubit në të shkuarën. Ish-futbollisti Aziz Gruda ka humbur jetën për shkak të një sëmundje të rëndë dhe klubi shpreh ngushëllimet dhe keqardhjen për këtë humbje.
POSTIMI I KLUBIT TË VLLAZNISË –Mëngjesin e sotëm është ndarë nga jeta në moshën 60 vjeçare ish-futbollisti i Vllaznisë, Aziz Gruda. Lojtari që ka kontribuar për disa vite me radhë në sukseset e skuadrës tonë, duke e shpallur edhe kampione atë në sezonin 1991-92, vuante prej kohësh nga një sëmundje e rëndë.
Ai nuk ka mundur dot t’i rezistojë asaj duke i dhënë lamtumirën familjes së tij, por edhe të gjithë njerëzve të njohur në një moshë të re. Kjo padyshim që është një humbje e madhe edhe për KF Vllaznia, që i gjendet pranë familjarëve dhe të afërme të tij në këtë moment të vështirë. I përjetshëm qoftë kujtimi yt Aziz Gruda!
