Një tentativë vjedhje ka shkuar keq për 3 shqiptarë në Sarno të Italisë pasi pronari i shtëpisë ka qëlluar duke plagosur njërin prej tyre.
Sipas mediave italiane, një 25-vjeçar shqiptar u dërgua me urgjencë në spitalin “Martiri del Villa Malta”, i shoqruar nga dy bashkëatdhetarët e tij, njëri prej të cilëve u largua sapo e la shokun e plagosur.
Ngjarja raportohet të ketë ndodhur të mërkurën në mbrëmje, ku tre shqiptarët kishin hyrë në një apartament në San Valentino Torio, ku pronari pasi ka konstatuar se njëri prej tyre ishte i armatosur, ai ka qëlluar për vetëmbrojtje duke plagosur kështu 25-vjeçarin.
Policia, nën urdhrat e nënkomisares, Giuliana Postiglione, vuri në pranga 2 shqiptarët dhe shpalli në kërkim bashkëpunëtorin e tretë i cili i braktisi në derën e spitalia. Ndërkohë po punon për zbardhjen e dinamikës së ngjarjes.
