20-vjeçari shqiptar, Aleksandër Luca ndodhet në burg duke vuajtur dënimin për përdhunimin dhe vrasjen e studentes Eleni Topaloudi disa vite më parë.
Burime nga mediat greke brenda qelisë së burgut bëjnë me dije se shqiptari i është dedikuar tërësisht fesë dhe gjithë kohën e kalon duke lexuar libra fetarë. Madje u tregon të gjithëve se si është penduar.
Aleksandër Luca është dënuar për jetë dhe 15 vite burg shtesë për vrasjen e studentes greke Eleni Topaloudi në ishullin Rodos . Ai gjithashtu akuzohet për përdhunimin e një vajze me aftësi të kufizuara.
Eleni Topalaudi u vra mbrëmjen e 28 Nëntorit 2018 nga dy të rinjtë, 21-vjeçari grek Manolis Koukouras dhe 20-vjeçari shqiptar Aleksandër Luca. Aleksandër Luca dhe Manolis Koukouras akuzojnë njëri-tjetrin për vrasjen e 21-vjeçares mbrëmjen e 28 Nëntorit. Trupi i saj u gjet i hedhur në shkëmbinj në det.
Pasi ishte dhunuar nga dy të rinjtë, ata i kishin lidhur këmbët, e kishin goditur në kokë dhe më pas trupin e kishin hedhur në det. Nga ekspertiza rezultoi se në momentin kur ishte hedhur në det, e reja ishte ende gjallë por ishte mbytur në det pasi nga dëmtimet e marra nuk kishte mundur që të notonte.
