Për meteorologët në Greqi sot është dita e fundit e motit të nxehtë para përkeqësimit të kushteve atmosferike që do të shoqërojnë vendin fqinj në ditët në vazhdim.
Nga dita e nesërme dhe kryesisht nga e diela temperaturat pritet të bien në pjesën më të madhe të vendit ndërkohë që pritet edhe mot me shtrëngata.
Shtrëngata të forta do të prekin edhe zonat bregdetare në Egjeun perëndimor dhe verior.
Meteorologët theksojnë që disa zona të përfshihen nga breshëri duke kërkuar shumë vëmendje dhe shmangien e detit për këtë fundjavë.
