Pas Oliver Giroud është radha e Tammy Abraham për t’u larguar nga Chelsea. Sulmuesi 23-vjeçar ka përfituar pak minuta aktivizim prej momentit që në stol është ulur Thomas Tuchel.
Arsenali kërkon një qendërsulmues dhe është i interesuar për lojtarin anglez sipas raportimeve të Telegraph. Në garë për shërbimet e Abraham janë edhe Tottenham e Dortmund.
“Topçinjtë” kanë shprehur interesim konkret dhe tani duhet të arrijnë marrëveshjen ekonomike me kampionët e Evropës, të cilët kërkojnë 40 milion paund për ta lënë të lirë lojtarin.
Shuma cilësohet e lartë nga Arsenali, por dy klubet kanë marrëdhënie shumë të mira, kanë kryer disa operacione mes tyre në vitet e fundit dhe ka optimizëm edhe në lidhje me Abraham.
