Më herët në programin “Dua të të bëj të lumtur” u trajtua një histori frymëzimi dhe force, historia e vajzës së vogël, Glorias e cila prej shumë vitesh lufton me sëmundjen e saj.
Gloria kishte vuajtur që prej vegjëlisë prej një sëmundjeje të rëndë, një tumori në kokë që e ka privuar të jetojë fëmijërinë, adoleshencën, tashmë edhe rininë ashtu si gjithë moshatarët e saj.
Si pasojë e kimioterapisë intensive, Glorias i kanë rënë flokët dhe për shkak të pamundësisë për t’i blerë një parkure, nëna e saj po zgjat flokët që të mund t’i mundësojë vajzës një paruke të re. Gjithashtu tumori në kokë ia ka vështirësuar shumë mundësinë për të ecur normalisht dhe prandaj Gloria e ka të domosdoshme që ta shoqërojë gjithmonë dikush.
I ftuar në program ishte pikërisht Butrint Imeri, këngëtari i saj i preferuar i cili nuk nguroi ta ftojë publikisht në koncertin e tij të parë që do të zhvillohet pas përfundimit të pandemisë.
“Gloria unë jam tepër i prekur nga historia jote dhe dua të të them që për ty kam vetëm respekt. Dua që unë të marr këshilla nga ty, por sot kam ardhur të të them që dua të jem një vëlla i madh për ty e të kujdesem për ty!”,- ishte mesazhi i Butrintit për Glorian.
Koncertit i erdhi momenti dhe artisti e mbajti fjalën duke bërë të lumtur fansen e tij të madhe dhe kjo ishte gjëja më e ëmbël që mund të shikonim këtë mbrëmje!
