Jose Mourinho di si të jetë gjithmonë në qendër të vëmendjes, duke sjellë risi nga më të papriturat në fushën e blertë.
Së fundmi ai ka vendosur që të filmojë me dron ekipin e Romës në stërvitje, për t’u treguar lojtarëve më pas përmes një ekrani gjigand se çfarë po bëjnë gabim.
Një dron do të vendoset për të fluturuar gjatë gjithë seancave për të mbledhur detaje mbi pozicionimin, lëvizjen dhe reagimet e çdo lojtari.
Vetë lojtarët do t’i mësojnë shumë shpejt gabimet e tyre, pasi në fushë do të jetë i instaluar një ekran i madh, që Mourinho të ofrojë analiza të menjëhershme.
Trajneri portugez u kritikua në Tottenham për metodat e stërvitjes dhe ndoshta kjo është një nga arsyet që e kanë bërë atë të gjej një zgjidhje te skuadra e re.
Sipas një raportimi të muajit shkurt nga ‘The Independent’, ai u përqëndrua kryesisht në organizimin mbrojtës dhe sulmet e drejtpërdrejta gjatë stërvitjeve.
Duhet theksuar se skuadra e Serie A ka filluar merkaton duke nënshkruar me Rui Patricio, ndërsa është në bisedime për të afruar Granit Xhakën e për t’ja marrë atë Arsenalit./Gijotina.com
