Duket e pabesueshme, por mbrojtësi i majtë i Kombëtares së Anglisë Luke Shaw ka luajtur plot 3 ndeshje me brinjë të thyera në ‘Euro 2020’.
Ai u dëmtua gjatë ndeshjes kundër Gjermanisë në fazën e 1/8-ave dhe në takimin e çerekfinales me Ukrainën, gjysmëfinales me Danimarkën dhe finales me Italinë Shaw ka luajtur jo në formën e tij më të mirë.
Sipas “The Telegraph” ai ka luajtur me fraktura në brinjë, duke dhënë maksimumin dhe po ashtu duke u bërë edhe faktor në rezultatet e mira të kombëtares angleze në çerekfinale dhe gjysmëfinale.
Aktualisht Shaw është duke vazhduar pushimet dhe në Manchester United do të rikthehet në momentin e grumbullimit përpara fillimit të sezonit të ri të Premier League, që për ‘Djajtë e kuq’ starton më 14 gusht në ndeshjen kundës Leeds./Gijotina.com
