Lojtari i kombëtares shqiptare, Rei Manaj ka qenë në qendër të mediave mbrëmjen e djeshme, pas realizimit të tripletës me Barcelonën në ndeshjen me skuadrën e Gimnastic.
Manaj ishte padyshim protagonist i atij takimi miqësor që u mbyll me rezultatin 4-0 për Barçën. Mesa duket forma spektakolare e shqiptarit ka tërhequr vëmendjen e shumë klubeve.
Madje sipas ‘El Mundo Deportivo’ sulmuesi i kombëtares kuqezi është vendosur në shënjestrën e skuadrës spanjolle Kadiz dhe asaj portugezes Famalicaos.
Forma e lushnjarit në takimin e fundit ka bërë që skuadrat të vihen menjëherë në lëvizje për të. Prej kohësh Rei Manaj aktivizohet tek skuadra e dytë e Barcelonës, por menjëherë sapo iu dha mundësia të luante me ekipin e parë ai u tregua i zoti duke realizuar një tripletë./Gijotina.com
