Skuadra e Vllaznisë luan sot në Qipro për turin e dytë të Conference League dhe duket se një lajm I mirë ka ardhur për të gjithë mbështetësit e shkodranëve.
‘SuperSport’ ka bërë me dije se ka fituar të drejtën e transmetimit të kësaj ndeshjeje dhe të gjithë mbështetësit e ekipit shkodran do kenë mundësinë ta ndjekin takimin në fjalë me koment në shqip.
Kjo sfidë është shumë e rëndësishme për kuqeblutë, të cilët dëshirojnë me çdo kusht fitoren që në takimin e parë ndaj një kundërshtari jo të lehtë si AEL Limassol.
Ndeshja do të zhvillohet mbrëmjen e sotme në orën 19:00, pas shtyrjes që iu bë orarit të parë që ishte vendosur nga Conference League.
Rikujtojmë se skuadra e Vllaznisë vjen në këtë ndeshje pas kualifikimit ndaj Siroki Brijeg ku ditoi në stadiumin “Loro Boriçi” me rezultatin 3-0./Gijotina.com
