Melinda Ademi ishte e ftuar së fundmi në emisionin “NIN”, në të cilin foli gjatë për karrierën dhe jetën e saj private. Gjatë emisionit në rubrikën “Haje ose Thuaje”, Melinda nuk nguroi të shprehte hapur admirimin për një artiste shqiptare. Ajo tha se i pëlqen shumë Elvana Gjata, për shkak të zërit të saj të veçantë.
“Një këngëtare që më pëlqen shumë është Elvana Gjata. Zëri i saj më rrëqeth. është ekstrem, ekstrem talent. Ajo është e mrekullueshme, e dua. Shumë më pëlqen Elvana, për shkak se e ka vokalin shumë të bukur, shumë e veçantë, nuk e kam dëgjuar kurrë në jetë atë zë”, u shpreh Melinda.
Këto fjalë nuk i kanë shpëtuar as Elvanës, që ka bërë sot një reagim në rrjete sociale. Elvana ka shkëputur këtë pjesë, ku Melinda e lavdëron dhe është shprehur shumë e lumtur.
“Shumë dashuri për ty Melinda Ademi. Vazhdo kështu“, shkruan Elvana shoqëruar me emojin e disa zemrave të bardha.
