Rafael Varane është futbollisti më i ri i Mançester Junajtid.
Lajmin e bëri të ditur vetë faqja e Mançester Junajtid duke lajmëruar për arritjen e marrëveshjes me mbrojtësin francez. Një goditje tjetër për Junajtid në merkato, pas asaj të Xhadon Sanço nga Dortmundi. Si duket, pandemia nuk e ka prekur klubin anglez pasi së bashku me PSG-në po shpenzojnë shifra të çmendura këtë verë.
Marrëveshja është arritur mbi bazën e 50 milionë eurove, dhe Varane do të firmosë për 4 vite me ‘’djajtë e kuq’’, dhe një vit tjetër rinovim si opsion shtesë. Lajmi ka bërë bujë të madhe duke i pritur mjaft mirë nga tifozët e Junajtid të cilët tani më kanë një lider në mbrojtje.
