Në ndeshjen e sotme me Monzan për trofeun ‘Berlusconi’ Juventus do i duhet të luajë pa dy yjet e tij, Ronaldon dhe Dybalan.
‘Bardhezinjtë’ do të përballen me skuadrën e Serie B në garën e emëruar pas ish -presidentit të Milanit dhe Monzas, Silvio Berlusconi.
‘Gazzetta dello Sport’ raporton se Dybala nuk do të jetë gati, pasi ai ka probleme të muskujve dhe tifozët e ‘Zonjës së Vjetër’ ndoshta duhet të presin më shumë edhe për të parë Ronaldon të rikthehet në fushë.
Gazeta pretendon se Ronaldo do të vazhdojë stërvitjen atletike në Continassa, por nuk pritet të marrë pjesë kur Juventus të luajë me Monzan.
Alvaro Morata dhe Rodrigo Bentancur, të cilët u kthyen nga pushimet dje, gjithashtu pritet të jenë të ulur në stol.
Nesër në mëngjes, Massimiliano Allegri do të publikojë listën e lojtarëve për ndeshjen dhe skuadra e vendosur për të luajtur për Trofeun ‘Berlusconi’ do të konfirmohet më vonë./Gijotina.com
