Rey Manaj është kthyer në një dëshirë merkatoje për shumë klube, pasi me Barcelonën ka shënuar katër gola në dy ndeshje miqësore.
Sulmuesi lushnjar i kombëtares shqiptare kërkohet në Itali dhe më parë është përmendur Sassuolo, ndërkohë që Mundo Deportivo raporton se edhe një klub tjetër e ka në shënjestër.
Nëse për në Itali nuk ka një emër konkret, gazeta spanjolle zbulon se Real Betis, klub që ka një raport të mirë me Barcelonën, ka bërë një ofertë.
Nuk ka detaje të asaj që Betis ofron për Manajn. Edhe Cadiz në La Liga dhe Famalicao në Portugali përfliten si destinacione të mundshme të sulmuesit shqiptar.
