Luiza Gega bëri një arritje të madhe në garat e Lojërave Olimpike në ‘Tokio 2020’, pasi mundi të marrë vendin e pestë dhe si rezultatit i siguroi vetes kualifikimin për në garën finale.
Gega kapi kohën 9:23.85, duke u renditur e pesta në baterinë e dytë, rezultat ky që e kualifikon direkt në finalen e madhe të garës 3000 metra me pengesa për femra, e cila do të zhvillohet më 4 gusht.
Theksojmë se kjo është hera e parë në histori ku në disiplinën më të vështirë, një atlete shqiptare del të kualifikohet në finale të Olimpiadës, duke qenë e aftë të sfidojë garueset më të shpejta në botë./Gijotina
