Dëshira e kapitenit të Anglisë, Harry Kane për t’u larguar këtë verë nga klubi i Tottenham ka nisur një përplasje mes palëve.
Edhe pse është kthyer në shtëpi, ditën e djeshme Kane nuk është paraqitur në stërvitje me shokët e skuadrës.
Mos-prania e sulmuesit kuptohet se ka ‘zhgënjyer’ Spurs, të cilët do të gjobisin kapitenin e ‘Tre Luanëve’.
Pas një vere ku marrëdhëniet midis Kane dhe klubit mbeten jo në momentin më të mirë, gjërat janë shëmtuar më pak se dy javë para fillimit të sezonit Premier League.
Sipas ‘The Sun’, sa i përket Harry -t, klubi ka rënë dakord që ai mund të largohet dhe duket se çështja ka të bëjë vetëm me shifrat që do të ofrohen për të.
Spurs mbeten të palëkundur në vendimin e tyre dhe sjellja e fundit e Kanë do bëjë që klubi anglez ta dënojnë nën-kapitenin e tyre me veprime disiplinore për shkelje të kontratës duke mos raportuar pas pushimit të tij veror.
Kane do të gjobitet për çdo ditë që ai nuk do të shfaqet në stërvitje me grupin dhe anëtarët e ekipit të Tottenham thuhet se ishin të befasuar që ylli, i cili ka edhe tre vjet kontratë, ndërmori hapin përfundimtar të refuzimit të paraqitjes për punë.
Kuptohet që Levy priste që Kane të kërkonte bisedime gjatë kësaj jave, por u kap nga vendimi i tij për të qëndruar larg.
City është i gatshëm të dalë me 100 milionë paund, plus një zgjedhje lojtarësh, në përpjekje për të arritur një marrëveshje, por Tottenham nuk pranon më pak se 160 milionë paund.
Ndërkohë mungesa e lojtarit ka bërë që në rrjete të qarkullojnë edhe meme të tipi ‘Sulmuesi i humbur. E keni parë këtë njeri?’./Gijotina.com
