69-vjeçari holandez, Louis van Gaal është zgjedhur për të tretën herë drejtues i kombëtares holandeze.
Ai zëvendëson Frank de Boer, i cili u largua muajin e kaluar pas humbjes në fazën e 16-ve nga Republika Çeke në ‘Euro 2020’.
Van Gaal ishte në krye të skuadrës së Holandës nga 2000-2002 dhe përsëri nga 2012-2014 para se të bashkohej me Manchester United.
Ai nuk ka drejtuar skuadër tjetër qëkur u shkarkua nga United në 2016 dhe tha se ishte një “nder” të kthehej te skuadra holandeze.
“Futbolli holandez ka qenë gjithmonë pranë zemrës sime dhe stërvitja e ekipit kombëtar është një pozicion kyç për të çuar përpara futbollin tonë,”-tha Van Gaal./Gijotina.com
