Bayern Munich thuhet se është i interesuar për mbrojtësin e Juventusit, Danilo, por bardhezinjtë po kërkojnë 30 milionë euro për kartonin e tij.
‘Sky Sport Italia’ raporton se kampionët e Bundesligës kanë pyetur për mbrojtësin brazilian, por Juventusi e ka refuzuar ofertën e tyre.
Bavarezët janë në kërkim të një mbrojtësi të ri të djathtë dhe trajneri Julian Nagelsmann ka synuar Danilon si të përshtatshëm për të luajtur në ‘Allianz Arena’.
Danilo mbërriti nga Manchester City në gusht 2019, kur Joao Cancelo shkoi në drejtim të kundërt dhe ka luajtur 78 ndeshje me ‘Zonjën e Vjetër’.
Paraqitjet e tij në Serie A 2020-2021 i siguruan mbrojtësit një vend në në kombëtaren e Brazilit në ndeshjet për Kupën e Amerikës këtë verë, ku ai luajti shtatë ndeshje.
Juventusi nuk ka ndërmend të shesë ish-lojtarin e Real Madridit dhe Manchester Cityt dhe i ka kërkuar Bayernit të paguajë të paktën 30 milionë euro për 30-vjeçarin. Shuma e kërkuar do të jetë shumë për Bayern dhe negociatat për këtë arsye kanë ngecur./Gijotina.com
