Christian Eriksen është rikthyer ditën e djeshme në Itali, pas një periudhe të gjatë vizitash dhe shërimi në ardheun e tij në Danimarkë.
Ai do të kryejë të gjitha vizitat mjekësore të nevojshme për zemrën në Milano, ndërsa sot është rikthyer në stërvitje me shokët e skuadrës.
Ishte Inter vetë që publikoi pamjet nga momenti i takimit të Eriksen me shokët e skuadrës.
‘’Mëngjesin e sotëm, Kristian Eriksen bëri një vizitë në qendrën stërvitore Suning, në Apiano Xhentile. Mesfushori danez takoi drejtuesit e klubit, trajnerin, shokët e skuadrës dhe pjesëtarët e stafit. Eriksen po bën mirë dhe është në gjendje të shkëlqyer psikologjike dhe në formë të mirë. Ai do të ndjekë programin e rikuperimit duke u konsultuar me doktorët danez në Kopenhagen’’,-shkruhet në faqen e Inter.
Rikujtojmë që gjatë ndeshjes së parë të finaleve të ‘Euro 2020’ me Danimarkën, Eriksen pësoi një atak në zemër dhe deri më tani të gjithë ishin në ankth për të ardhmen e lojtarit./Gijotina.com
