Jack Grealish ka zbarkuar në Manchester City për të kryer të gjitha vizitat mjekësore në mënyrë që kontrata e transferimit të ‘Citizenët’ të quhet zyrtarisht e mbyllur dhe ai të bëhet lojtari më i shtrenjtë i blerë nga ndonjë klub i Premier League.
Klubi i Aston Villa pranoi ta shiste 26-vjeçarin për një shifër që shkon në 100 milionë paund, shumë më tepër se 89 milionë paundët që u dhanë nga Manchester United për blerjen e Pogbas në 2016-ën.
Ndërkohë Aston Villa zyrtarizoi zëvendësuesin e Grealish, që do jetë 23-vjeçari Leon Bailey i blerë nga Leverkusen për vetëm 30 milionë paund.
Ndërsa me shifrën që do marrin prej shitjes së Jack Grealish, Villa synon të blejë sulmuesin e Chelseas, Tammy Abraham, dhe qendërmbrojtësin e United Axel Tuanzebe./Gijotina.com
