130 milion euro në tavolinë dhe të thuash jo nuk është aspak e lehtë, sidomos në situatën financiare që është Interi për momentin.
Chelsea e ka bërë pjesën e vet, ndërkohë nga ana tjetër edhe Romelu Lukaku e ka shprehur dëshirën e tij për t’u kthyer në Angli.
Presidenti i Interit, Steven Zhang, sipas asaj që shkruan Gazzetta dello Sport, po rishikon vendimin për të ardhmen e Lukaku.
Shkak është bërë presioni i madh i tifozëve, të cilët kanë shpërthyer në rrjetet sociale dhe kanë nisur të shpalosin pankarta edhe pranë qendrës stërvitore.
