Presidenti i Barcelonës, Joan Laporta është duke dhënë një konferencë për mediat, ku po sqaron pengesën që nuk e lejon rinovimin e kontratës së Lionel Messit.
Në fjalën e tij Laporta theksoi se me rregullat e reja të La Ligës dhe gjendjen aktuale ekonomike të Barçës rinovimi i kontratës mes palëve është i pamundur.
Ndërsa ka theksuar se nëse do të rinovonte me Messin atëherë do të shkatërronte klubin.
Presidenti katalanas ka falenderuar argjentinasin për pasurinë e madhe, pra kupat që ai i solli përmes lojës së çmuar.
Fjala e Joan Laporta:
“Fatura e pagës përfaqëson 110% të të ardhurave të klubit. Ne nuk kemi diferencë rroge. Ne e dinim që kur mbërritëm në klub.
Numrat që ishin paraqitur pas auditimit, janë shumë më tepër sesa ato që na kishin thënë dhe ato që kishim parashikuar bazuar në shifrat zyrtare. Humbjet e parashikuara janë shumë të larta, borxhet e parashikuara janë të larta. Nuk ka pagë diferenciale. Për të qenë në përputhje me fair-play-in e La Liga-s, ne duhej të pranonim një marrëveshje të La Ligës që hipotekoi për gjysmë shekulli të drejtat televizive të një klubi me histori 120 vjet në këtë Ligë. Një klub që është mbi të gjitha. Me lojtarët, nga më të mirët në botë, presidentin dhe gjithçka.
Rinovimi i Leo përfshinte pranimin e një operacioni që nuk është interesant për Barçën. Unë dua që të jetë e qartë se Leo donte të qëndronte. Vjen një kohë kur në një negociatë ju duhet të ngriheni, të analizoni gjërat në mënyrë rigoroze dhe me shifra. Rregulli i La Liga mund të jetë më fleksibël, por kjo nuk është justifikim sepse ne tashmë e dinim. Trishtim, por mendoj se ne kemi bërë më të mirën për Barçën.
Mesi lë një trashëgimi të shkëlqyer. Ai është lojtari me më shumë tituj në historinë e klubit. Ka lënë shumë gëzime, një iluzion kolektiv. Shumë imazhe për historinë. Ne kemi mirënjohje të përjetshme.”./Gijotina.com
