Zbardhet shkaku i zënkës masive ditën e djeshme në magjistralen Prishtinë-Podujevë. Policia e Kosovës ka bërë me dije se shkaku i sherrit me armë të ftohta ditën e djeshme ishin disa mosmarrëveshje në trafik.
Nga sherri ditën e djeshme plagë të rënda kanë marrë 5 persona ndërsa 4 të tjerë vetëm lëndime të vogla. Të lënduarit u transportuan ditën e djeshme në soital për ndihmë mjekësore. Ndërkohë që sipas dëshmitarëve sulmin e nisën tre persona, të cilët ishin me makina me targa të huaja. Ata pasi ndezën situatën u larguan nga vendngjarja. Gjithashtu u bë me dije se në vendngjarje u gjetën një thikë dhe një vegël pune.
Njoftimi i plotë i policisë:
LËNDIM I RËNDË TRUPORË & ARMËMBAJTJE PA LEJE /Fsh. Trudë, Prishtinë 07.08.2021 – 17:25. Është raportuar se në hyrje të autostradës te rrethi janë përfshi në rrahje disa persona. Njësitë policore kanë dalë në vendin e ngjarjes ku kanë takuar pesë viktima meshkuj kosovar të lënduar të cilët kishin qenë me dy automjete me targa vendore. Viktimave në vendin e ngjarjes ju ka ofruar ndihma mjekësore, ndërsa katër prej tyre janë dërguar në QKUK dhe mbeten për tretman mjekësor. Sipas viktimave pas një mosmarrëveshje në trafik ishin sulmuar fizikisht nga tre persona të dyshuar të cilët kishin qenë me dy vetura me targa të huaja dhe pas sulmit të dyshuarit ishin larguar nga vendi i ngjarjes. Në vendin e ngjarjes janë gjete dhe sekuestruar një thikë dhe një vegël pune të cilat dyshohet se ishin përdorë në rast. Rasti vazhdon të hetohet.
Ngjarja e rëndë ndodhi pasditen e djeshme në magjistralen Prishtinë-Podujevë ku disa persona u përleshën mes tyre.
