Markelian Pepa është 24-vjeçari që ka mbetur i plagosur me thikë në Shëngjin pas mesnate. Pepa ka marrë disa plagë në trup, pas një konflikti që kishte me disa persona të tjerë. Aktualisht ai ndodhet në spitalin e Traumës në Tiranë, aty ku po merr kujdesin e duhur mjekësor. Policia ka bërë shoqërimin në komisariat të disa personave që mund të kenë dijeni për ngjarjen, si dhe janë siguruar disa kamera sigurie.
Emri i Pepës nuk është i panjohur për efektivët pasi në vitin 2018 në lagjen Varosh të qytetit të Lezhës, pranë hyrjes se një tuneli poshtë kalasë së qytetit ka qëlluar me armë në drejtim të banesës së shtetasit Xh. M. Në vendin e ngjarjes në atë kohë u gjetën 35 gëzhoja, të sekuestruara në cilësinë e provës material. Së bashku me armën grupi hetimor gjeti dhe sekuestruar edhe 332 fishekë luftarakë dhe 8 granata dore dhe një pistoletë shenjë dhënëse.
