Pas një lufte 20 vjeçare, talebanët kanë marrë pushtetin në Afganistan, dy javë para se Shtetet e Bashkuara të përfundonin tërheqjen e trupave.
Në rrjete sociale është shpërndarë reagimi i kryebashkiakes së parë femër në Afganistan, Zarufa Ghafari.
Ghafari e cila ka humbur shpresat për ndryshim të situatës, në një status në rrjetin social “Twitter” ka shkruar: “Jam ulur duke pritur që ata të vijnë. Nuk ka asnjë njeri që të më ndihmojë mua apo familjarë të mi. Ata do të vijnë për njerëz si unë dhe do të më vrasin”.
