Trajneri i Real Madridit, Carlo Ancelotti përjashton një rikthim të sulmuesit të Juventusit, Cristiano Ronaldo te ‘Los Blancos’.
“Unë me të vërtetë e respektoj atë, por kurrë nuk kam kërkuar apo planifikuar të nënshkruaj me atë këtë verë”.-është shprehur italiani.
Thashethemet për një lëvizje të mundshme në Santiago Bernabeu u shfaqën në mediat spanjolle, por trajneri i ‘Los Blancos’, i cili u kthye për mandatin e tij të dytë në klub këtë verë, i ka hedhur poshtë këto aludime.
“Cristiano Ronaldo është një legjendë e Real Madridit”,- shkroi Ancelotti në Twitter. “Dhe unë me të vërtetë e respektoj atë. Por unë kurrë nuk kam kërkuar apo planifikuar të nënshkruaj me Cristianon këtë verë.”
Mediat në Itali pohuan se agjenti i portugezit, Jorge Mendes është ende në kërkim të pretenduesve të mundshëm për superyllin, e ardhmja e të cilit në Juventus është ende e pasigurt.
Ronaldo iu bashkua Juventusit në vitin 2018 dhe ka marrë dy kupa të Serias A një Kupë të Italisë dhe dy Superkupa të Italisë gjatë kohës së tij në Torino.
36-vjeçari raportohet se i është vetëofruar edhe Manchester City-t përveç francezëve të PSG, nëse Kylian Mbappe largohet./Gijotina.com
