Kanë përfunduar takimet e para për mbrëmjen e sotme në fazën e kualifikueseve të Champions League.
Çiftet Monaco- Shakhtar, Salzburg-Brondby dhe Sh.Tiraspol-D.Zagreb u përballën mes tyre për të caktuar se cilët do të ishin finalistët për fazën tjetër të turneut më të madh europian të futbollit.
FT: Monaco 0-1 Shakhtar/ Shakhtar e gjeti veten në avantazh që në minutën e 19’ me golin e Pedrinho, pasi faktori shtëpi i Monacos nuk ndikoi aspak që miqtë e Shakhtar të kontrollonin thuajse të gjithë pjesën e parë, dhe po me rezultat të pandryshuar është mbyllur dhe pjesa e dytë, me Shakhtar që këtë epërsi e kanë në avantazh në ndeshjen e kthimit.
FT: Salzburg-Brondby 2-1/ Danezët e Bronby e kanë nisur më së miri këtë fazë të kualifikueseve, duke shënuar kundër austriakëve që në minutën e 4’ me Uhre, për ta ruajtur këtë rezultat deri në përfundim të pjesës së parë. Por pjesa e dytë do të përmbyste gjithçka, me Salzburg që shënon me Adeyemi në 56’ dhe Aaronson në 90’, duke e mbyllur rezultatin final në 2-1.
FT: Sh.Tiraspol-D.Zagreb/ 3-0 Një ndeshje që përfundoi në favor të moldavëve të Sherif Tiraspol që mundën ta gjejnë rrjetën vetëm në minutat shtesë të pjesës së parë, pavarsisht dominimit të dynamo Zagrebit në kontrollin e topit.
Sërisht pjesa e dytë do të fliste Sherif Tiraspol, ku të zotët e shtëpisë e gjetën rrjetën edhe dy herë të tjera me Kolovos në minutën e 54’ dhe Traore në minutën e 80’, duke e mbyllur këtë ndeshje të parë me avantazhin 3-0.
