Deputeti i Partisë Demokratike, Ervin Salianji ka sulmuar ashpër kryeministrin Rama.
Ai thekson se Rama ka paturpësinë dhe guximin të dërdëllisë për vlera, kur ai është modeli i antivlerave, ndërsa tenton të juatifikohet për ardhjen e afganëve si ruajtës i vlerave shqiptare.
Salianji i ka publikuar Kryeministrit Rama videon, ku numëron faktet sesi Rama shkatërroi çdo vlerë dhe largoi 500 mijë shqiptarë nga vendi.
“Ka paturpësinë dhe guximin të dërdëllisë për vlera, modeli i antivlerave, i plaçkitjes së shqiptarëve e korrupsionit kapilar, kapjes dhe kriminalizimit të shtetit, shkatërrimit të bashkëjetesës demokratike, zgjedhjeve të lira, njeriu që përzuri 500 mijë shqiptarë dhe varfëroi miliona të tjerë”, shprehet Salianji në statusin e tij bashkë me videon e dështimeve të qeverisë Rama.
