Sulmuesi i Kombëtares Shqiptare, Myrto Uzuni është kthyer në një nga futbollistët më të rëndësishëm të Ferencaroshit dhe sërisht trajneri Stoger këtë fazë kualifikuese të Champions League, i ka besuar shqiptarit sulmin mbrëmjen e sotme.
Formacionet janë bërë zyrtare për përballjen në Champions League këtë mbrëmje nga Young Boys dhe Ferencvarosh, ku në krah të Uzunit në sulm do të jenë edhe Boli me Zubbok në një formacion 4-3-3, ndryshe nga ai 4-4-2 i Young Boys.
Ferencvarosh këtë ndeshje të parë udhëton në transfertë në Zvicër. Në këtë përballje hungarezët duket më të nënvlerësuar, duke marrë parasysh edhe kuotimin e këtyre të fundit nga kompanitë e basteve.
Si pikë reference kemi marrë një kompani të kuotave sportive, ku këta të fundit një fitore të Young Boys e vlerësojnë me koeficient 1.4, barazimin mes palëve me koeficient 4.75 dhe një fitore të Ferencvaroshit të Uzunit me koeficient 7.
Të dyja ekipet kanë hedhur në fushe elementët e tyre më të mirë, dhe në orën 21:00 starton përballja për fazën e klualifikuese në Champions League.
