Kanë kaluar vetëm dy ditë nga aksidenti tragjik në Shëngjin që i mori jetën një të mituri, por për nënën e tij njollat e gjakut në rrugën ku u përplas tragjikisht i vogli, nuk do të fshihen kurrë, e do kthehen në dhimbje.
Besa Nuzi, me anë të një postimi në rrjetet sociale i ka dedikuar disa rreshta vajtues, fëmijës së ndjerë që u përplas nga një furgon dhe për pasojë humbi jetën.
” O Shpirt, o zemër, o jeta mamit ti, ma vrave shpirtin o zemër, pse ike ngele vetëm o shpirt, pse nuk vdiqëm të gjithë me ty pse, o i bukuri im, a po të mungoj mami ty, si do fle un pa ty………… o Zot më vdis dhe mua o Zot”, ka shkruar ajo, teksa ka publikuar edhe foton e të voglit.
Fëmija së bashku me familjen e tij, jetonin në Londër dhe kishin ardhur në Shqipëri për të kaluar pushimet verore, por këto pushime u kthyen në tragjedi për ta. Ndërkohë ditën e sotme është bërë edhe arrestimi i shoferit të furgonit që shkaktoi aksidentin.
