Lionel Messi duhet të presë që të bëjë debutimin e tij të shumëpritur për Paris Saint-Germain, pasi u la jashtë për ndeshjen e së premtes në Ligue 1 në Brest.
Fituesi gjashtë herë i Topit të Artë iu bashkua PSG-së në një transferim falas javën e kaluar pasi u largua nga Barcelona për shkak të vështirësive të tyre financiare.
34-vjeçari ende nuk ka luajtur asnjë ndeshje që kur fitoi Kupën e Amerikës me Argjentinën, por është në stërvitje të plotë me PSG, megjithatë nga klubi parisien ende nuk ka një datë për debutimin e argjentinasit.
Trajneri Mauricio Pochettino tha se Messi ishte “vendosur mirë” dhe se kishte një “atmosferë të mirë në skuadër”.
Ish-menaxheri i Tottenham po ashtu hodhi poshtë zërat se sulmuesi francez Kylian Mbappe do të bashkohet me Real Madridin këtë verë.
“Mbappe është lojtari ynë dhe unë dua që ai të jetë këtu këtë sezon,” tha Pochettino.
“Ai ka edhe një vit të mbetur në kontratën e tij. Edhe nëse nuk e rinovon atë, ai është ende një lojtar i PSG -së dhe ne jemi shumë të kënaqur me të, dhe nga sa mund ta kuptoj ai është i kënaqur me ne. Ai është shumë i qetë dhe po përgatitet mirë për ndeshjen e nesërme ”.- u shpreh tekniku i parisienëve./Gijotina.com
