Si pasojë e përplasjes së dy mjeteve në autostradën Tiranë-Durrës ka mbetur i lënduar një fëmijë 2-vjeç. Policia njofton se aksidenti ka ndodhur pasditen e sotme rreth orës 16:10, ku personi me inicialet M.E duke drejtuar mjetin tip “Citroen” është përplasur me mjetin “Ford” i cili drejtohej nga personi me inicialet S.K.
I mituri është transportuar për në spital dhe ndodhet nën kujdesin e mjekëve, ndërsa drejtuesit e mjeteve janë shoqëruar në ambientet e policisë, për procedura të mëtejshme. Policia gjithashtu njofton se grupi hetimor ndodhet në vendngjarje dhe po punon për përcaktimin e shkakut të aksidentit
