Një ngjarje e rëndë është regjistruar paraditen e sotme në Kavaja, ku dy pushues nga Maqedonia e Veriut, janë mbytur në plazhin e Spilles.
Ngjarja ka ndodhur rreth ores 11:25, ndërsa mësohet se shkak i mbytjes së këtyre dy shtetasve akoma të pa identifikuar kanë qenë dallgët e forta dhe era. Sipas informacioneve të policisë, ata janë të moshës 65-70 vjeç dhe janë dërguar në morgun e spitalit të Kavajës.
Me gjithë përpjekjet e stafit të mjekëve që shkuan në kohë rekord, ata nuk arritën dot të mbijetonin.
Kujtojmë, se këtë sezon veror mbytjet e pushuesve kryesisht të ardhur nga vendet fshqinje kanë qenë të shumta, shkak ka qenë edhe mungesa e rojeve bregdetare. Nje problem ky që nuk po0 gjen zgjidfhje bprej vitesh në plazhet shqiptare nga veriu në jug.
Kavajë/Informacion paraprak
Rreth orës 11:25, në plazhin e Spillesë, dy shtetas të gjinisë mashkullore ende të paidentifikuar,(dyshohet se janë shtetas Maqedonas), rreth 70 vjeç, dyshohet se si pasojë e dallgëve janë mbytur në det.
Grupi hetimor ndodhet në vendngjarje dhe po punon për identifikimin e tyre dhe sqarimin e rrethanave të ngjarjes.
