Ndeshja e mbrëmjes së djeshme e Tottenham me Wolverhampton e largon akoma më shumë Harry Kane nga transferimi te Manchester City.
Trajneri portugez Nuno Espirito Santo ka vendosur të besojë te sulmuesi dhe duket sikur nuk pranon që ai të largohet nga Spurs.
Kane dëshiron që të kalojë te City dhe po aq dëshirohet edhe nga tekniku Pep Guardiola, por duket se pengesë është bërë diferenca e madhe në kërkesë-ofertë për kartonin e kapitenit të Anglisë.
City ofron 50 milionë euro më pak se sa kërkojnë te Tottenham për të. Klubi i trajnerit Guardiola po mundohet të shesë disa lojtarë për të plotësuar shumën, ndërkohë që edhe Tottenham nuk po qëndron pa lëvizur.
Duket se “Spurs” kanë një akord paraprak me Pierre-Emerick Aubameyang dhe nëse Kane largohet, do të jetë gabonezi që do të trashëgojë fanellën me numrin 9./Gijotina.com
