Vllaznia ende nuk e ka mbyllur merkaton, edhe pse trajneri Thomas Brdaric thekson se duhet t’u japin besim lojtarëve që kanë aktualisht në ekip. Gjithsesi drejtuesit po shohin për lojtarë.
Mësohet se është çështje kohe zyrtarizimi i një sulmuesi shtatlartë, që ka spikatur në Kategorinë e Parë me Besën e Kavajës, kurse në të shkuarën ka luajtur në Portugali në ligat e ulëta.
Bëhet fjalë për Kaina Nunes da Silva Amarante, brazilianin 24-vjeçar që sezonin e shkuar shënoi 7 gola me verdhezinjtë. Tani ai kërkon të tregojë vlerat e tij në Kategorinë Superiore.
Vllaznisë nga krahu tjetër i duhet edhe një tjetër qendërsulmues. Momentalisht në skuadër kanë vetëm kroatin Ante Aralica. Kaina do ishte një alternativë për trajnerin Thomas Brdaric, të cilit i pëlqen të ketë një “pykë” në sulm.
