Kanë kaluar vetëm 3 ditë nga ngjarja e rëndë në Vlorë ku 25-vjeçari Xhuljano Bullari u bë “shënjestër” e një atentati me armë zjarri, ndërsa së fundmi në vorbullën e hetimeve është përfrocuar dyshimi se kemi të bëjmë me një atentat të mirëorganizuar mafioz. Hetimet e deritanishme të vrasjes, na sjellin më afër këtij dyshimi, mes të cilave rendisim 3 faktorë më kryesorë, që atentatorët i kanë përfshirë në prapaskenat për ekzekutimin e të riut.
Kujtojmë se ngjarja ka ndodhur pak pas mesnatës së ditës së premte në fshatin Babicë, ndërsa trupi i pajetë i të riut u gjet brenda një makine tip “Fiat Punto” rreth orës 07:35. Atentatorët numri i të cilëve nuk dihet ende sesa ka qenë, jo më kot zgjodhën mbrëmjen për të kryer misionin për vrasjen e Bullarit pasi errësira do të favorizonte në zhdukjen e gjurmëve të krimit.
Sakaq një faktor tjetër që shton dyshimet e një atentati të mirërorganizuar është edhe vendi ku është kryer vrasja e të riut me origjinë nga Elbasani. Terreni fushor e pa kamera sigurie, na lë të kuptojmë gjithashtu se kemi të bëjmë me vrasës me pagesë, pasi nga sa kemi raportuar lidhur me vrasjet në vend, kjo ka qenë një nga “manovrat” kryesore të atentatorëve për të fshehur gjurmët e krimit. I riu dyshohet se është qëlluar nga sedilja e pasagjerit, këtë të dhënë së fundmi e kanë komunikuar grupet hetimore dhe ekspertët pranë Gijotina. com.
Por në sitën e hetimeve për atentatin e mirëorganizuar është edhe dyshimi se atentatorët kanë ndjekur itinerarin e të shënjestruarit, deri nëmbërritjen e destinacionit “perfekt” (Babicë) ku do të kryhej me sukses ekzekutimi i të riut. /Gijotina.com
