Me siguri këto kohë, instagrami apo facebook-u juaj ka plasur nga fotot e miqve apo të njerëzve të famshëm gjatë pushimeve në Dubai. Por përse Dubai?
Dubai ka qenë gjithnjë një destinacion tërheqës për shumë njerëz, por duket se pandemia, teksa shumë vende kanë ndaluar mbërritjen e udhëtarëve, i ka dhënë një tjetër shtysë turizmit vendas. Turizmi si asnjëherë më parë po shkëlqen në Dubai, kjo pasi vendi nuk u fut në izolim total, por zgjodhi të qëndronte i hapur duke marrë parasysh rreziqet dhe sigurisht po përpiqet të jetë strikt me masat anti-covid dhe ti menaxhojë ato me kujdes.
Zyrtarët vendas janë shprehur se Emiratet e Bashkuara Arabe kanë si qëllim të vaksinojnë 50% të popullsisë në përfundim të këtij muaji. Të gjithë udhëtarët kanë nevojë për një test negativ PCR të kryer jo më shumë se 72 orë para udhëtimit.
Gjithashtu duhet të kryejnë teste plotësuese kur mbërrijnë në aeroport. Përpos kësaj, maska është e detyrueshme në hapësirat publike (në të kundërt gjobitesh me më shumë se 800 dollarë).
Nëpër plazhe, restorante dhe qendra tregtare ka kontrolle të vazhdueshme. Tavolinat nëpër restorante mund të jenë të ndara me mburoja plastike dhe menutë janë online për të zvogëluar sipërfaqet e prekshme.
Përveç masave të lartpermendura, ajo çfarë vlen të theksohet është çmimi jo shumë i lartë qe agjensitë turistike iu ofrojnë turistave sipas dëshirave të tyre, po ashtu edhe paketat all inclusive. Këto çmime variojnë plus-minus 500 euro për person( në varësi të paketës)
