Një aksident ka ndodhur ditën e sotme rreth orës 14:44, në rrugën “5 Maji”, në Tiranë.
26-vjeçari me inicialet E. T, duke drejtuar motomjetin ka humbur kontrollin e tij, dhe ka përplasur mjetin e policisë me drejtues punonjësin e policisë R. T., 30 vjeç. Si pasojë janë dëmtuar të dy drejtuesit e mjeteve dhe pasagjeri në motomjet, të cilët u dërguan në spital dhe jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
