Intervista e Pep Guardiolës, ku bëri me dije se pas dy viteve nuk do të jetë më pjesë e Manchester City-t i ka habitur të gjithë.
Tekniku theksoi se ai dëshironte një eksperiencë të re në krye të një kombëtareje, por kjo pasi të kishte bërë një vit pushim nga largimi prej ‘Citizenëve’ që prite të ndodh në vitin 2023, pasi atëherë mbyllet kontrata mes palëve.
Megjithatë më e habitshme akoma ka qenë deklarata e Luis Enrique pas këtij lajmi. Trajneri i iberikëve është shprehur se do dëshironte ta shikonte Guardiolën në krye të stolit të kësaj skuadre, pra në vendin e tij.
Kjo deklaratë e teknikut ka ardhur pikërisht në ditën e prezantimit të lojtarëve të grumbulluar në sfidat eliminatore të Botërorit.
‘’Do të dëshiroja që Guardiola të bëhej trajner i Spanjës. Do të ishte diçka e mirë në qoftë se kombëtarja do të stërvitej në gjurmët e Guardiolës. Nuk besoj se do të kishte trajner më të mirë për vendin se ai’’, – është shprehur Enrique, duke lënë të kuptohet se nuk do jetë për shumë gjatë në krye të Kombëtares së Spanjës./Gijotina.com
