Në orën 2 pas mesnate pritet të mbërrijë në aeroportin “Nënë Tereza” avioni i parë me qytetarët afganë. Bëhet fjalë për më shumë se 120 persona, mes tyre dhe shumë fëmijë, të nisur nga Kabuli. Ata pritet të strehohen në struktura hoteliere në Durrës. Referuar deklaratës së kryeministrit Edi Rama, në Shqipëri pritet të strehohen rreth 4 mijë afganë.
Pas mbërritjes në tokën shqiptare, afganët do të qëndrojnë fillimisht në tenda ku do t’i nënshtrohen vizitave mjekësore.
Shqipëria ishte ndër vendet e para që u angazhua për të strehuar qytetarët afganë të cilët po largohen nga vendi i tyre.
Qytetarëve afganë do t’u ofrohet statusi i “mbrojtjes së përkohshme”.
