Shoqata Kultutore “Rrok Jakaj” sjell aktivitetin e radhës “Albanian Sounds” me destinacion Vermoshin, pjesëmarrje e jashtëzakonshme e të rinjve
“Albanian Sounds” ishte aktiviteti i radhës i Shoqatës Kulturore “Rrok Jakaj”, e cila për herë të parë zgjodhi si destinacion pikën turistike të Vermoshit.
Gjatë 2 netëve u zhvilluan 2 koncerte nga studentët e Rrok Academy, të degëve Jazz dhe Klasike, shkolla verore e cila zhvillohet prej 5 vitesh tashmë në Shkoder gjatë gjithë muajit Gusht, me pjesëmarrjen e studenëeve nga Ballkani dhe Europa.
Koncerti i dates 23 u hap nga lahutari Pretash Nilaj, si mikëpritje e traditave të zonës, për të vazhduar më pas me koncertin e klasës jazz, të drejtuar nga Markelian Kapidani dhe të ftuar special, Sokol Prekalori në violinë dhe Bardh Jakova në fizarmonike.
Koncerti i datës 24 i drejtuar nga Pacalin Pavaci solli në skenë klasën e Rrok Academy classic dhe e ftuar e kësaj nate ishte sopranoja Klodiana Brahimi.
“Me e pru muzikën në Vermosh nuk është e lehtë por për ne ka qenë kënaqësi e madhe, falenderoj dhe jam gjithashtu shumë i kënaqur me studentët e mi”, është shprehur drej Pacalin Pavaci.
Të dy koncertet u paraprinë nga refleksionet e studiuesit Ardian Ndreca mbi temat:
1) Nga Eposi tek Erosi. Si të afirmohemi në shoqni.
2) Hapsina urbane: jemi ajo çka kemi ndërtue ne vetë.
