Policia e Vlorës ka zhvilluar mëngjesin e sotëm një aksion blic, për parandalimin e kultivimit të kanabisit. Theksojmë se operacioni “Otima” ka nisur që dje ndërsa sot është bërë arrestimi i 3 personave.
Aksioni është zhvilluar nga Drejtoria Vendore e Policisë Vlorë, Forcat Speciale RENEA dhe Drejtoria e Forcës së Posaçme Operacionale, nën drejtimin e Drejtorisë së Përgjithshme të Policisë së Shtetit.
Bazuar në informacionet e marra nga terreni se në zonën e Otimës në Selenicë, persona me precedent kriminal kishin kultivuar bimë narkotike, policia vuri në PRANGA Ferdinant Llanaj, 43 vjeç, banues në Selenicë me pseudonimin “Robi”,, Dritan Begaj, 54 vjeç, banues në Vlorë dhe Ergi Cura, 21 vjeç, banues në Librazhd. Gjate kontrollit ne territorin e baneses dhe perrreth territorit te baneses se Ferdinant Llanaj u gjeten rreth 600 bime kanabis sativa te kultivuara dhe nje sasi e vogel ne forme boçesh.
Të arrestuarit në bashkëpunim me njëri-tjetrin, kishin kultivuar një numër të konsiderueshëm bimësh cannabis sativa në ambientet e banesës së 43-vjeçarit F. Ll. dhe në ambientet përreth një objekti po në pronësi të tij, tek vendi i quajtur “Përroi i Otimës”, Selenicë.
Gjatë kontrolleve të ushtruara në këto ambiente, u gjetën dhe u sekuestruan një sasi lënde narkotike kanabis, 4 automjete, dy prej tyre të blinduara, 6 aparate celular dhe një shumë parash.
