Trajneri i Kombëtares Shqiptare të Futbollit, Edy Reja është përballur me disa refuzime të njëpasnjëshme nga lojtarët kuqezi.
Në shtator Shqipëria do të luajë tre ndeshje kualifikuese për Botërorin ‘Qatar 2022’. Pas Taulant Xhakës, i cili ka hatërmbetje, duket se ftesën e Rejas për t’u bashkuar me përfaqësuesen e ka refuzuar edhe Ivan Balliu, i cili aktivizohet te Rayo Valecano në La Liga.
Mbrojtësi ka pësuar një dëmtim dhe stafi mjekësor i spanjollëve i ka kërkuar që të mos udhëtojë.
Nga mediat spanjolle raportohet se lojtari pretendon se ka pubalgji, ose thënë ndryshe shqetësim në muskujt e poshtëm të barkut.
Më 2 shtator kuqezinjtë do të udhëtojnë në drejtim të Polonisë, ndërsa në në 5 dhe 8 shtator do të luajnë në “Elbasan Arena” me Hungarinë dhe San Marinon./Gijotina.com
