Institucionet mikrofinanciare krahasuar me një vit më parë, kanë rritur portofolin e kredisë për biznesin e vogël me 7.5%.
Sipas të dhënave të Bankës së Shqipërisë, gjatë këtij viti, mikrofinanca zgjeroi portofolin e kredisë edhe për biznesin e mesëm me 3.7% dhe për biznesin e madh me 11%.
Ndërkohë që për individët rritja është edhe më e lartë, me 13.3%.
Në fund të vitit 2020, portofoli i kredisë për institucionet financiare jo banka arriti vlerën e 38.2 miliardë lekëve.
Sipas BSH-së, tregu financiar jobankar kishte rreth 181 miliardë lekë asete, në fund të vitit të kaluar. Nga të cilat 110 miliardë lekë u takonin fondeve të investimeve, pensioneve dhe kompanive të sigurimit.
Pjesa e mbetur, prej afërsisht 70 miliardë lekësh janë asete kryesisht SFJB që licencohen nga Banka e Shqipërisë, për shërbime si kredidhënia, mikrokredia, faktoringu, leasing-u, pagesat, këmbimi valutor, etj.
