Evakuimi i civilëve nga Afganistani për në Britaninë e Madhe do të përfundojë ditën e sotme. Aljzeera shkruan se sipas gjenerali Nick Carter, fillimisht do të evakuohen të gjithë civilët dhe më pas edhe trupat ushtarakë.
“Ne jemi duke arritur në fund të evakuimit, i cili do të ndodhë gjatë ditës së sotme. Dhe atëherë do të jetë e nevojshme të nxjerrim trupat tanë në avionët e mbetur. Ne nuk kemi qenë në gjendje t’i nxjerrim të gjithë jashtë, dhe kjo ka qenë zemërthyese,” tha ai.
Ndërkohë që po sot përfundoi evakuimi i civilëve në Itali, avioni i fundit që u ngrit nga Kabuli për në Itali kishte 58 shtetas afganë.
