Kampioni i ‘Euro 2020’, Marco Verrati ka folur për herë të parë pas mbarimit të këtij kampionati si dhe për kalimin e Lionel Messit te Paris Saint-Germain.
Në një intervistë për ‘’Gazzetta Dello Sport’’ ku ka folur për fitimin e Europianit dhe mbërritjen e Messit në Paris, Verrati është shprehur se e meritonin.
“Edhe kur ishim në vështirësi, ishim unë, Locatelli, Chiesa dhe Berardi që të gjithë të bashkuar që e dinim se mund të bënim diferencën. Ne e merituam fitimin e Europianit. Është e pabesueshme që Messi është këtu. Nuk e besova deri sa e pashë me sytë e mi. Ai nuk flet shumë por ka një personalitet të shkëlqyer.
Ai është një lider dhe një kampion. Për mua është më i miri i historisë. Nuk besoj se do kemi probleme për formacionin’’-u shpreh lojtari./Gijotina.com
