Babë e bir kanë mbetur të plagosur pasi janë sulmuar me thikë ditën e djeshme nga një 21-vjeçar. Policia bën me dije se ngjarja ndodhi në orën 18:00, në fshatin Zezë të Krujës.
Sipas njoftimit, shtetasi me inicialet B. Sh., 21 vjeç, banues në Arrameras, pas një konflikti për motive të dobëta ka goditur me thikë, qytetarët me inicialet B. V., 59 vjeç dhe D. V., 34 vjeç, banues në fshatin Zezë, Krujë, (baba e bir). Këta të fundit ndodhen nën kujdesin e mjekëve jashtë rrezikut për jetën.
Policia po punon për gjetjen e autorit dhe zbardhjen e rrethanave të ngjarjes.
