Kontrollet blic në bregdetin e Durrësit, kanë vënë në pranga një 20- vjeçar i cili është kapur duke mbajtur armë zjarri me vete. Bëhet fjalë konkretisht për të riun me emrin Kejvin Gjegja, arrestimi i të cilit është bërë në lagjen nr.13, Plazh, Durrës.
Nga detajet e policisë behët me dije se 20- vjeçari gjatë kontrollit fizik, në çantën e tij të dorës mbante të fshehur një armë zjarri pistoletë. Gjithashtu, gjatë kontrollit në banesën e tij u gjetën 2 palë pranga hekuri si ato të Policisë, të cilat u sekuestruan në cilësinë e provës materiale.
Tashmë i riu pritet të përballet me akuzën për “Armëmbajtje pa leje”.
