Policia e Shkodrës ka finalizuar operacionin e koduar “Seria”, ku në pranga ka rënë 35 vjeçari, Mark Cumraku banues në fshatin Rrilë, Lezhë, pasi është kapur me një sasi të konsiderueshme eurosh dhe lekësh të falsifikuara.
Sipas policisë, gjatë kontrollit të ushtruar në makinën e tij tip “Benz”, me të cilin po qarkullonte, u gjetën dhe u sekuestruan në cilësinë e provës materiale 2.600 euro dhe 71.000 lekë të rinj të dyshuar të falsifikuar, si dhe një sasi lekësh të pafalsifikuar.
Gjithashtu, nga kontrolli i ushtruar në dyqanin që ky shtetas kishte marrë me qira, u gjet dhe u sekuestrua një sasi lënde plasëse tritol.
Materialet hetimore i kaluan Prokurorisë pranë Gjykatës së Shkallës Parë Shkodër, për veprat penale “Falsifikimi i monedhave” dhe “Mbajtja pa leje e lëndëve plasëse”.
