Shefja e Infektivit, Najda Çomo ka vendosur zyrtarisht të heqë dorë nga mandati i deputetes që fitoi në zgjedhjet e 25 prillit.
Mësohet se, Çomo ka paraqitur dorëheqjen ditën e sotme pranë Komisionit Qëndror të Zgjedheve. Lajmin e dorëheqjes së Çomos e ka bërë të ditur vetë kryeministri Edi Rama pak ditë më parë, ku u shpreh se Çomo ka vendosur të dorëhiqet për të qëndruar në krye të Infektiv-it pas rritjes së rasteve me Covid-19.
Me largimin nga mandati të Çomos, i hapet rruga e futjes në Kuvend Mimi Kodhelit, kandidatja grua më e votuar që mbeti jashtë parlamentit pas publikimit të rezultateve zgjedhore.
Çomo ishte renditur e dyte në listën e PS-së në Tiranë, ndërsa mundi të siguronte vetëm 1583 vota, duke dalë ndër deputetët më pak të votuar.
